الوطن سبورت | عاجل| أول رد فعل من كريم فؤاد بعد إصابته بالرباط الصليبي

علق كريم فؤاد لاعب الفريق الأول لكرة القدم بالنادي الأهلي على الإصابة بقطع في الرباط الصليبي التي تعرض لها خلال مباراة الأهلي وسموحة في الدوري الممتاز.

أول رد فعل من كريم فؤاد على إصابته بالرباط الصليبي«مكتوبالي للمرة الثانية»

وكتب كريم فؤاد عبر حسابه على موقع التواصل الإجتماعي «فيس بوك»، كل خسارة دُونَ الجنة ، فهي دُون، اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها.

وأضاف نجم الأهلي، «ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا».

كريم فؤاد 

وأكمل: وانا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا ، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن .

وواصل: عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني . انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء وأضاف: الحمدلله مستعد للإختبار ومتحمس، شوية وقت وهنرجع نحارب من تاني، وأختتم كريم فؤاد حديثه قائلا:أشوفكم على خير قريبًا.

وخرج كريم فؤاد مصابا بعد تدخل قوي من لاعب سموحة في الدقيقة 30 من عمر المباراة والتي انتهت بفوز الأهلي بهدف نظيف على فريق سموحة وتتويج المارد الأحمر ببطولة الدوري رقم 44 في تاريخ النادي.وأثبتت الأشعة التي خضع لها كريم فؤاد نجم النادي الاهلي إصابة اللاعب بقطع جزئي فى الرباط الصليبي للركبة.