الوطن سبورت | أول رد فعل من كريم فؤاد بعد إصابته بالرباط الصليبي

علق كريم فؤاد، لاعب الفريق الأول لكرة القدم بالنادي الأهلي، على إصابته بقطع في الرباط الصليبي، التي تعرض لها خلال مباراة فريقه أمام سموحة في دوري nile.

كريم فؤاد: كل خسارة دُونَ الجنة فهي دُون

وكتب «فؤاد» عبر حسابه على منصة التواصل الإجتماعي «فيس بوك»: «كل خسارة دُونَ الجنة، فهي دُون، اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء، ودايما الابتلاء بيجي للشخص في الحاجة اللي هو بيحبها ونِفسه فيها، وطموحه وسعادته فيها».

وأضاف نجم الأهلي: «ودا بيكون اختبار ليك هتعمل ايه في الموقف دا، وإن الإختبار والبلاء دا بيكون ليه أجر كبير ورفع درجات في الجنة، وتكفير ذنوب وحاجات كتير عظيمة أوي مقابل إني أصبر على الابتلاء ده».

كريم فؤاد 

وأوضح لاعب الأهلي: «أنا كان مكتوبلي إصابة في الرباط الصليبي للمره التانية، بس عندي إحساس تاني خالص مع الاختبار دا  إنه أنا في نعمة كبيرة أوي، وإن الحمد لله ربنا رزقني باختبار سهل وهين أوي، مقابل ابتلاءات ناس تانية أصعب من دا بكتير، وكمان اختبار مش جديد عليا بَعيده للمرة التانية في وقت قصير فهعرف أتعامل معاه بشكل كويس ويمكن أحسن».

كريم فؤاد: أنا بحمد ربنا وراضي ومؤمن جدا

وتابع كريم فؤاد: «عشان كدا بحمد ربنا إن الابتلاء اللي هاخد عليه أجر كبير وعظيم، مش بالصعوبة القاسية اللي توجعني وتهدّني.. أنا بحمد ربنا وراضي ومؤمن جدا إن ربنا بيحبنا نقرب منه بالعبادات اللي منها الصبر والدعاء.. الحمد لله مستعد للاختبار ومتحمس، شوية وقت وهنرجع نحارب من تاني.. أشوفكم على خير قريبا».

وخرج كريم فؤاد مصابا بعد تدخل قوي من لاعب سموحة في الدقيقة 30 من المباراة، التي انتهت بفوز الأهلي بهدف نظيف، وتتويج المارد الأحمر ببطولة الدوري رقم 44 في تاريخ النادي.

وأثبتت الأشعة التي خضع لها كريم فؤاد، إصابة اللاعب بقطع جزئي في الرباط الصليبي للركبة.