نجم الزمالك يكشف أسباب خسارة الأهلي في القمة 127: كواليس ومفاجآت

كشف أحمد حسام ميدو، نجم نادي الزمالك السابق، خلال الساعات الماضية، عن أسباب خسارة الأهلي أمام الفارس الأبيض، في مباراة القمة 127، التي فاز بها أبناء ميت عقبة بثنائية مقابل هدف، في لقاء مؤجل بين الفريقين من الجولة العاشرة لبطولة دوري nile، لنسخة الموسم الكروي الجاري 2023-2024.

وقال ميدو عن أسباب خسارة الأهلي أمام الزمالك في القمة 127: «مش عارف ليه دايما الأهلاوية بيدوروا على حاجات بره الكورة تبرر أي خسارة، يا إما الحكم يا إما الجمهور يا إما الملعب، يا إما الهوا يا ضغط الماتشات أو الإصابات، المرة دي بقى جديدة السبب الرئيسي للخسارة هم حاملي الكرات».

ميدو: الحقيقة إن الأهلي عنده مدرب مغرور

وأكد ميدو: «الحقيقة إن الأهلي عنده مدرب مغرور، مكسب ماتش نهائي الكأس رغم غلطات المدرب القاتلة وسوء مستوى فريقه، خليته يفتكر إنه ممكن يكسب الزمالك بأي حد!، ومفيش حد حواليه ينصحه إن ماتش الديربي كبير مهما كان المنافس بعيد، وإن نتيجته ليها توابع في المدرج وفي المكتب».

وتابع: «مبروك للزمالك الفوز المستحق والمهم، كل لاعيبة الزمالك رجاله، بحييهم كلهم لعبوا بقلب وحاربوا عشان خاطر جمهورهم، وعشان خاطر الفانلة اللي لابسينها، إن شاء الله مكسب امبارح يكون نقطة تحول للفريق».

واختتم نجم نادي الزمالك حديثه قائلا: «هارد لك لأصحابي الأهلاوية بنفكركم الزمالك هيفضل كبير مهما حاولتم تقللوا منه، عاش الزمالك أكبر قلعة رياضية في مصر».